Lajme

Elon Musk testoi Volkswagen-in elektrik

Është bërë e ditur se gjatë një vizite në Gjermani, Elon Musk u takua me udhëheqësin e Volkswagen-it dhe testoi makinën e tyre elektrike, përcjell albinfo.ch.

Duhet theksuar se Elon Musk kohët e fundit vizitoi një fabrikë në Berlin dhe më pas u ndesh ballë për ballë me rivalin e tij kryesor, Herbert Diess. Ai u takua me udhëheqësin e Volkswagen-it në një aeroport të vogël në Brunswick dhe takimi zgjati rreth dy orë, raporton Automotive News Europe.

Me atë rast, Musk voziti VW iD.3, e cila është makina elektrike më e forta e Volkswagen-it dhe kështu rivalja më e madhe e modelit më të lirë të Tesla-s, Model 3, transmetoi Telegraf.

Elon Musk ishte i interesuar në kapacitetin e baterisë dhe teknologjinë e integruar, dhe vlerësoi ndjesinë e timonit kur testoi automjetin. Musk gjithashtu kishte mundësinë të provonte ID.4, një model që së shpejti do të dalë në treg. /Albinfo.ch