Lehtësimet e masave, a jemi vërtet të sigurt?

Ende nuk ka vaksinë për të parandaluar përhapjen e koronavirusit, dhe nuk ka ilaçe

Me udhëzimet për distancimin shoqëror dhe karantinimin që nuk po bëhet më, njerëzit kanë filluar të kthehen në plazhe, parqe dhe restorante.

Por mund të pyesni: Çfarë është kaq e ndryshme tani në krahasim me situatën në mars dhe prill? A jemi vërtet të sigurt?

Porositë për të qëndruar në shtëpi ishin të gjera dhe të rrepta. Qëllimet ishin: për të minimizuar infeksionin dhe vdekshmërinë, për të “rrafshuar kurbën” – dhe për t’i dhënë sistemeve shëndetësore mundësinë që të përballonin sasinë e madhe të të infektuarve.

Në shumë vende, numri i vdekjeve dhe rasteve ka rënë në javët e fundit.

Kufizimet gjithashtu i dhanë kohë zyrtarëve të ngrenë kapacitete të reja për të testuar dhe gjurmuar kontaktet e virusit. Siguria juaj varet nga vendi ku jetoni – dhe çfarë kuptoni ju me siguri.

Shumë vende në SHBA po shohin një rënie të numrit të rasteve të reja. Të tjerët po shohin rritje, transmeton Scan.

Çdo shtet demokratik në botë pasqyron të dhënat e testimit. Këto burime janë shumë të dobishme për të përcaktuar nëse është më e sigurt për të dalë jashtë sesa ishte gjashtë javë më parë. Duhet të shikoni për dy gjëra për të vlerësuar sigurinë:

*Një shkallë në rritje e testimit (kurba e numrit të testeve në ditë po bëhet më e shpejtë).

*Një numër i ulët dhe në rënie i rasteve pozitive.

Një mënyrë e mirë për të shikuar sa të sigurt jeni, është përqindja e testeve që janë pozitive. Nëse po rritet është e keqe, nëse jo, është mirë. Por ‘më e sigurt’ nuk do të thotë se nuk ka asnjë rrezik. Nëse ka ndonjë rast në qytetin tuaj, atëherë të qenit rreth njerëzve mund të rrisë rrezikun tuaj, prcjell albinfo.ch.

Dhe mbani mend, ende nuk ka vaksinë për të parandaluar përhapjen e koronavirusit, dhe nuk ka ilaçe që janë provuar efektive si trajtime. Dhe ekziston rreziku për një “valë të dytë”.

---