OBSH: Covid-19 po prek moshat e reja

EPA/JAGADEESH NV

Drejtor rajonal për Evropën i Organizatës Botërore të Shëndetësisë, Hans Kluge ka thënë se Covid-19 tani po prek në masë të madhe moshat e reja.

“Ajo që ndryshon tani, ndonëse pa provë përfundimtare shkencore, është se po pranojmë raporte nga autoritetet civile dhe shëndetësore rreth një përqindjeje më të lartë të infektimeve tek të rinjtë”, ka thënë ai, përcjell albinfo.ch.

Sipas tij, në Suedi ka pasur rritje dramatike të rasteve tek ata nën moshën 49 vjet deri kah mesi i qershorit.

Kluge shtoi se grupmosha 20-29 aktualisht ka më shumë raste në 100.000 banorë sesa ndonjë grupmoshë tjetër në këtë shtet.

Në Irlandë, deri më 28 korrik, pothuajse 60 për qind e të gjitha rasteve të konfirmuara me COVID-19 kanë ndodhur tek personat nën moshën 45-vjeçare.

Ndërsa në Izrael, përhapja e para disa kohëve e rasteve është lidhur me shkollat. Në shifrat më të reja, rreth një e pesta e rasteve kanë ndodhur tek personat e moshës 10 deri më 19 vjet dhe një e pesta në grupmoshën 20-29 vjet