Tematike
Berset: BAG do të ketë pasoja për ngatërrimin e shifrave të infeksionit
"Procesi kërkon rirregullime", ka bërë me dije Berset - dhe, ka shtuar ai, gjithashtu do të ketë pasoja për BAG. Por, para kësaj, do të analizohet se çfarë ka ndodhur saktësisht
Në një intervistë me SRF, ministri i brendshëm i cili mbulon dhe shëndetësinë, Alain Berset ka bërë të ditur për pasojat që do të rrjedhin pas publikimit të shifrave të pasakta nga Zyra Federale e Shëndetit Publik (BAG), shkruan SRF.
BAG, siç është shkruar tashmë, ka publikuar të premten shifrat e veta për vendet e përhapjes më të madhe të infektimit me Covid-19, transmeton albinfo.ch. Por më pas i është dashur t’i korrigjonte ato të dielën, duke u bërë shënjestër e kritikave të ashpra nga ekspertë dhe politikanë.
Të dhënat e publikuara fillimisht kishin identifikuar klubet dhe restorantet si rrezikun më të madh të infeksionit me Covid 19. Në fakt, rreziku i infeksionit është më i madhi brenda familjes, u konstatua më vonë.
Ministri i brendshëm i ka thënë SRF-së se kishte ndodhur një gabim. Por, më e rëndësishmja me këtë rast është të kuptohet gabimi dhe të korrigjohet ai, përcjell albinfo.ch. Pavarësisht të gjithave, procesi kërkon rirregullime, ka bërë me dije Berset – dhe, ka shtuar ai, gjithashtu do të ketë pasoja për BAG. Por, para kësaj, do të analizohet se çfarë ka ndodhur saktësisht.
Berset gjithashtu në këtë intervistë ka komentuar një detyrim të mundshëm për vënie maskë në dyqane. Lidhur me këtë ai ka theksuar se vendimi për një gjë të tillë varet tërësisht nga kantonet. Në përgjithësi, pyetja nëse duhet të vendosni maskë në dhoma të mbyllura varet shumë nga situata.
Ministri i brendshëm, pra, gjithashtu mendon se është e drejtë që kantonet e prekura më së shumti të mund të vepronin ashtu siç e gjykojnë të përshtatshme, transmeton albinfo.ch. Shembulli i Gjenevës tregoi “që federalizmi funksionon”, ka thënë ai, duke iu referuar masave të fundit që ka marrë Kantoni i Gjenevës për mbrojtje nga infeksionet..
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla