Aktorja dhe modelja shqiptare që po merr vëmendje në Amerikë

Listph.com

Shqiptarja e quajtur Antoinette Kalaj ka lindur dhe është rritur në Bronx, por vjen nga një familje emigrantësh shqiptarë, përcjell albinfo.ch.

Që e vogël Antoinette dha shenjat e para të pasionit që kishte për të performuar apo për t’u marrë me modelim. Jo vetëm kaq, por zbuloi se muzika dhe aktrimi ishin gjithashtu ëndrrat e saj.

Duhet theksuar se kur ishte 17-vjeç, ajo filloi të merrej me modelim dhe ia doli të bënte fushatën e saj të parë për markën e rrobave ‘The Limited’.

Dukej të ishte vetëm fillimi për një nga vajzat më të pasura shqiptare. Gjatë kohës që jetonte në Michigan, ajo nisi të merrte leksione aktrimi.

Nuk vonoi shumë dhe Kalaj u shfaq tek “Pirates of the Caribbean: On Stranger Tides”, në rolin e sirenës, ku spikati dhe vendosi t’i përkushtohej aktrimit me kohë të plotë duke u zhvendosur në Los Angeles.

Projekti i radhës për të do të ishte ai në serialin e famshëm të “Gossip Girl”.

Vlen të cekët se filmat e tjerë në të cilat ka marrë pjesë shqiptarja e lindur në Amerikë janë “Don Jon” në 2013-in krah aktorit Joseph Levitt dhe “Riddick” me Vin Diesel.

Antoinette duket se ia ka dalë të tërheqë vëmendjen edhe të presidentit Trump dora vetë, i cili vetëm pak kohë më parë e uroi publikisht. /Albinfo.ch