Lajme

Belgjika kufizon lëvizjen dhe mbyll baret e restorantet

E premte, 16 Tetor 2020 - 22:35 albinfo.ch
(AP Photo/Luca Bruno)

Qeveria e Belgjikës, për shkak të numrit të madh të të infektuarve ka marrë vendim për masa të reja kufizuese në tentim për të ndalur përhapjen e COVID-19.

Vendimi është marrë të premten mbrëma, ndërsa do të hyjë në fuqi të hënën, njofton AP.

Është vendosur që të ndalohet qarkullimi nga mesnata deri në orën 5.00, e po ashtu janë mbyllur edhe baret e restorantet për një muaj.

Po ashtu, nuk do të lejohet shitja e alkoolit pas orës 20.00. Belgëve do t’u lejohet të shoqërohen jashtë shtëpisë me vetëm një person jofamiljar.

Po ashtu, të punësuarve u është bërë thirrje që të punojnë nga shtëpitë, kudo që është e mundur.

Belgjika është një prej vendeve më të prekura nga koronavirusi. Mesatarisht gjatë javës së fundit janë regjistruar mbi 6.000 raste të ditë.

 Të ngjashme

Kalendari i Evropianit, nga dita e parë e grupeve

 Të tjera nga Lajme

Dorëzohen mbi 150 nënshkrime për Kuvend të jashtëzakonshëm në LDK, synohet shkarkimi i Abdixhikut

 E-Diaspora

 Jeta në Zvicër