Lajme
“E zgjuara e Europës”: Pse Suedia s’po përjeton valë të dytë pandemie
Ekspertët kanë ngritur pyetje rreth Suedisë: 'Delja e zezë' apo 'e zgjuara e Europës'? Pse Suedia s’po përjeton valë të dytë pandemie
Ekspertë të shumtë nga bota, në veçanti ata britanikë vlerësojnë se suedezët kanë krijuar tashmë imunitet, transmeton albinfo.ch.
Referuar statistikave ditore, thuhet se Suedia nuk ka përjetuar një valë të dytë pandemie deri më tani për shkak të imunitetit të krijuar dhe masave të qëndrueshme nga qeveria. Këtë thonë ekspertët nga shumë vende të botës, në veçanti ata britanikë, të cilët e krahasojnë me Britaninë që e kritikojnë për mënyrën se si po përballohet situata, transmeton tutje albinfo.ch.
Sipas tyre, vendi skandinav është kthyer në pikë referimi gjatë pandemisë për shkak të rezistencës për të imponuar një bllokim kombëtar ashtu si fqinjët evropianë.
Duhet theksuar se Anders Wallensten, i cili është epidemiolog, thotë se Suedia ka krijuar imunitet masiv për shkak të mënyrës së menaxhimit dhe për këtë arsye nuk ka rritje të rasteve si në Britani, Spanjë dhe Francë.
Megjithatë, ai thotë se autoritetet suedeze nuk kanë pasur për qëllim imunitetin e tufës. Sipas tij, suedezët nuk janë lodhur nga ato pak masa kufizimi për shkak se kanë mbetur të njëjta gjatë gjithë pandemisë duke mos krijuar as konfuzion te qytetarët.
Nga ana tjetër, Scally, epidemiolog në Britani thotë se Suedia arriti të bënte atë që Britania ende nuk po e bën.
Ndryshe nga vendet e tjera, Suedia nuk u izolua kur pandemia u përhap në pranverë në gjithë vendet e Evropës. Në vend të kësaj, u publikuan disa këshilla me fokus përgjegjësinë personale të qytetarëve.
Shumë prej lokaleve, shkollave, restoranteve dhe parukerive u mbajtën të hapura, por me rregulla distancimi.
Doktori kryesor në Suedi është Anders Tegnell, transmeton TiranaPost, i cili deklaroi se bota u çmend me izolimin.
Edhe pse ai vetë thotë se nuk kishte qëllim që masat suedeze të arrinin imunitetin, mediat e vendit thonë se ai ka insistuar për imunitetin e tufës dhe se ky duhet të ishte objektiv i autoriteteve shëndetësore suedeze që duhej arritur që në mars.
Në fakt, Suedia nuk ka mbingarkesë të sistemit shëndetësor.
A mund të jetë Suedia imune ndaj një valë të dytë? Kjo mbetet për t’u parë, por me gjasë nuk do konsiderohet më si delja e zezë! /Albinfo.ch
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla