Shqipëria fiton kundër Kazakistanit

Shqipëria ka mundur 3:1 Kazakistanin në Ligën e Kombeve

Shqipëria ka fituar duelin ndaj Kazakistanit në Ligën e Kombeve, me rezultat 3:1, ndeshje që është zhvilluar në Tiranë.

Fillimisht ishte Sokol Cikalleshi, i cili realizoi me kokë pas asistimit nga Ledian Memushaj. Ndodhi kjo në minutën e 16-të, shkruan albinfo.ch.

Në minutën e 23-të, Ardian Ismajli gjendet më së miri brenda zonës së rreptësisë, duke realizuar për 2:0. Por, kazakët shënojnë menjëherë nga gjysma e fushës, ku kishte dalur portiere kuqezi Etrit Berisha. Me rezultat 2:1 përfundoi pjesa e parë, kurse në pjesën e dytë Rei Manaj shënoi nga penalltia, ku 11-metërshin e kishte fituar Amir Abrashi.

Shqipëria ka tetë pikë në grupin e saj, kurse lidere është Bjellorusia me 10. Pikërisht kuqezinjtë e presin skuadrën bjelloruese të mërkurën në Tiranë në duelin direkt për vendin e parë.

 

 

---