Artistja shqiptare fiton çmimin ndërkombëtar për vokalin e saj

Albumi “Anima Rara” i Ermonela Jaho-s ka fituar çmimin e parë në kategorinë e muzikës vokale nga ICMA

Edhe një shqiptare triumfusee për vokalin e saj muzikor, që ekspertët e vlerësojnë zë kumbues. Albumi “Anima Rara” i Ermonela Jaho-s ka fituar çmimin e parë në kategorinë e muzikës vokale nga ICMA (Çmimet ndërkombëtare të Muzikës Klasike), përcjell albinfo.ch.

Juria me këtë rast është shprehur: ”Karizma e saj dhe aftësia për të emocionuar publikun dhe për të fituar simpatinë e dëgjuesve janë thelbi i performancave të saj të jashtëzakonshme në këngë.”

Ermonela është shprehur se është shumë e lumtur për këtë çmim.

” Jam shumë e lumtur t’ju lajmëroj se albumi Anima Rara ka fituar çmimin e parë në kategorinë e muzikës vokale nga ICMA (Çmimet Ndërkombëtare të Muzikës Klasike).

Dua të falenderoj ICMA për nderimin dhe gjithashtu të shpreh vlerësimin tim ndaj ekipit te Opera Rara dhe kolegëve të mrekullueshëm që bashkëpunuan me mua për të sjellë në jetë këtë muzikë te mrekullueshme. Kemi kuptuar përgjatë kësaj kohe sesa na nevojitet Arti dhe sa e vështirë është që të krijohet. Ju falenderoj për mbështetjen e vazhdueshme. Ju dua te gjithëve.” /Albinfo.ch

---