Xhaka rezulton pozitiv në koronavirus, mungon në duelin Zvicër-Greqi

Kapiteni i Kombëtares së Zvicrës do të mungojë gjatë ndeshjes Zvicër-Greqi

Federata e futbollit të Zvicrës ka njoftuar sot se kapiteni i kombëtares zvicerane Granit Xhaka ka rezultuar pozitiv me koronavirus.

“Granit Xhaka nuk do të jetë në dispozicion të Zvicrës për ndeshjen kundër Greqisë. Kapiteni i përfaqësueses ka rezultuar pozitiv me koronavirus. Në mëngjesin e ndeshjes Xhaka ka ndjerë simptome, ndërsa është izoluar në dhomë. Është bërë një test rapid ku ka rezultuar negativ, por si masë është bërë edhe një test PCR dhe rezultati ka qenë pozitiv”, njofton Federata zvicerane e futbollit, transmeton Albinfo.ch.

Ky njoftim vjen para ndeshjes miqësore të Zvicrës- Greqi e cila do të zhvillohet në Basel.

 

---