Shqipëria
Sot Merkeli viziton Tiranën, pritet të takohet edhe me Kurtin

Mësohet se kancelarja gjermane, Angela Merkel, do të mbërrijë në Tiranë sot paradite, në kuadër të vizitës së saj në Ballkan, në lidhje me Procesin e Berlinit. Ajo do të pritet me ceremoni në Pallatin e Brigadave në orën 10:20, ndërkohë që pas do të pasojë një takim me kryeministrin e Shqipërisë, Edi Rama, përcjell albinfo.ch.
Në orën 11:00 do të takohen delegacionet e dy vendeve, e më pas do të ketë takime me krerë të Ballkanit, përfshirë atë të Kosovës, kryeministrin Albin Kurti.
Merkel e Rama do të mbajnë konferencë të përbashkët për media rreth orës 14:35.
Agjenda e plotë:
10:20 – Ceremonia e mikpritjes në Pallatin e Brigadave
10:30 – Takim mes kryeministrit Edi Rama dhe kancelares Angela Merkel në Pallatin e Brigadave
11:00 – Takim bilateral mes dy delegacioneve në Pallatin e Brigadave
11:50 – Mbërritja e kryeministrit dhe krerëve të qeverive të Ballkanit në Tirana Business Park
11:55 – Mbërritja e kancelares Merkel në Tirana Business Park
12:00 – Foto familjare me krerët e delegacioneve në Tirana Business Park
14:35 – Konferencë për shtyp mes kryeministrit Rama dhe kancelares Merkel në Tirana Business
Procesi i Berlinit sjell për herë të parë në Tiranë kancelaren gjermane Angela Merkel në ditët e fundit të detyrës së saj në këtë post. Merkel do të jetë në postin e kancelares deri në fund të muajit shtator, pas tre mandatesh radhazi në këtë post.
Procesi i Berlinit u iniciua nga Gjermania në vitin 2014 për të përmirësuar marrëdhëniet brenda rajonit të Ballkanit dhe për të përshpejtuar integrimin në BE të atyre shteteve që nuk janë ende anëtare. Fokusi është në ato vende të Ballkanit që ende nuk janë anëtarë të BE-së – Shqipëria, Bosnjë dhe Hercegovina, Kosova, Maqedonia, Mali i Zi dhe Serbia.
Të ngjashme
Të tjera nga Shqipëria
E-Diaspora
-
Gazeta zvicerane shkruan për mërgimtarët: Parada luksoze e makinave në një dasmë në Kosovë Gazeta zvicerane Blick ka raportuar për një ngjarje të pazakontë dhe spektakolare që ka ndodhur në...
-
Sulm me armë në Nju-Jork: Pesë të vdekur, mes tyre edhe sulmuesi
-
Livia Sadikaj shpallet studentja më e mirë e vitit në ACT College Thessaloniki
-
Në kryeqytetin e Kosovës jehoi zëri i dy operistëve shqiptarë me famë botërore
-
Rritet puna në bizneset kosovare falë diasporës
Jeta në Zvicër
-
Zvicra mbetet magnet për blerësit e produkteve luksoze Sipas një analize të publikuar sot nga firma konsulente EY, tregu i luksit në Zvicër u...
-
Përmbytje në Sachseln, niveli i ujit në Liqenin Sarnen rritet me mbi një metër
-
Gazeta zvicerane shkruan për mërgimtarët: Parada luksoze e makinave në një dasmë në Kosovë
-
Zvicra feston suksesin e Kampionatit Evropian të Futbollit për Femra
-
Laura Dahlmeier plagoset rëndë gjatë alpinizmit