Lajme
Zvicër: “Sharri” i ngjan një ekspozite me fotografi të qyteteve shqiptare
Brenda një objekti tërësisht të rinovuar e me stoli të njëpasnjëshme murale të qyteteve shqiptare, drejtuesit e shoqatës kanë jetësuar një nga dëshirat e kahmotshme të shumë aktivistëve shqiptarë të Zvicrës lindore me qendër St. Gallenin për të pasur një qendër të madhe kulturore të mërgatës shqiptare.
Sot ka hapur zyrtarisht dyert shoqata kulturo artistike “Sharri” me seli në Wittenbach. Kjo shoqatë që kishte shtrirë aktivitetin kulturor për një kohë të gjatë në Romanshorn, është bartur prej disa muajsh në objektin e ri në afërsi të St. Gallenit, mes Wittenbach dhe Waldkirch.
Me dhjetëra firma shqiptare e bashkëkombas kanë punuar për disa muaj rresht për të ngritur një nga shoqatat më të mbresëlënëse të mërgatës shqiptare në Zvicër. Brenda një objekti tërësisht të rinovuar e me stoli të njëpasnjëshme murale të qyteteve shqiptare, drejtuesit e shoqatës kanë jetësuar një nga dëshirat e kamotshme të shumë aktivistëve shqiptarë të Zvicrës lindore me qendër St. Gallenin për të pasur një qendër të madhe kulturore të mërgatës shqiptare.
Kryetari i shoqatës “Sharri”, Nagip Mehmedi, pasi përgëzoi të pranishmit për pjesëmarrje të madhe e mbështetje të gjerë që i kanë dhënë komuniteti i kësaj ane realizimit të këtij projekti, ndau mirënjohjes për të gjithë sponzorizuesit, duke falënderuar ata për punën e bërë. Ai gjithashtu falënderoi autoritetet lokale për bashkëpunimin e ofruar, të cilët siç u shpreh Mehmedi, “nuk na kanë penguar asnjëherë gjatë punimeve të bëra”.
Në sallën e veshur me fotografi të mëdha të qyteteve shqiptare, të pranishmëve me një fjalë përshëndetëse iu drejtua edhe politikani zviceran i partisë së djathtë SVP, Markus Brunner. Përderisa politikanë të tjerë të së majtës, duke pasur në radhët e tyre edhe kandidatë e anëtarë me prejardhje shqiptare, nuk iu kanë përgjigjur ftesës për pjesëmarrje.
Vajzat e reja sharrjane kanë shfaqur sot një program të pasur të vallëve e këngëve nga folklori ynë. Atyre iu kanë bashkangjitur edhe këngëtarë të njohur të muzikës sonë popullore. Si zakonisht ushqimet tona tradicionale janë shërbyer po ashtu me bollëk.
Shoqata “Sharri” është e hapur çdo të diel për grupin e valleve me fëmijë nën drejtimin e Jeton Krasniqit.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore