Kurti arsyeton sërish masat, thirrje bashkatdhetarëve për vaksinim

Kryeministri Albin Kurti, në një konferencë për media ka insistuar edhe një herë në mbrojtje të vendimit që bashkatdhetarët që duan të vijnë në Kosovë duhet të jenë të vaksinuar.

“Duam që bashkatdhetarët tanë të vijnë, sepse ne gëzohemi, por në të njëjtën kohë ne duhet t’i marrim këto masa në kohën kur parashikueshmëria është e madhe. Është ende rrezik i pakalkulueshëm. Kur rreziku bëhet i kalkulueshëm, ne i zbusim masat. Nuk mund të mjaftohemi vetëm me testin e shpejtë apo PCR, sepse një përqindje e tyre mund të dalë e gabueshme. Në vitin 2021 kryefjala e pandemisë është vaksina. Tash që kemi vaksina, nuk besoj që duhet të kemi hezitime. Vetëm në këtë mënyrë arrijmë ta mposhtim virusin”, ka thënë Kurti.

Lexoni më shumë informata në komunikatën e Zyrës së Kryeministrit të Kosovës:

https://kryeministri.rks-gov.net/kryeministri-kurti-nuk-kam-detyre-me-te-rendesishme-sesa-te-mbroj-jeten-dhe-shendetin-e-qytetareve-tane-me-te-gjitha-mjetet-qe-qeveria-i-ka-ne-dispozicion/