Lajme

Britania e Madhe regjistron 10 mijë raste të reja me variantin ‘Omicron’

E shtunë, 18 Dhjetor 2021 - 23:10 albinfo.ch
(KEYSTONE/AP Photo/Frank Augstein)

Në Britaninë e Madhe janë regjistruar 10 mijë raste të reja me variantin Omicron, derisa janë duke vazhduar të preken shumë njerëz me këtë virus.

Këtë të shtunë, në Mbretërinë e Bashkuar janë shfaqur 90,418 raste me koronavirus, raporton BBC.

Kryetari i Bashkisë së Londrës, Sadiq Khan, ka thënë se është tepër i shqetësuar për nivelin e lartë të infeksioneve me këtë virus.

Ai deklaroi se në Londër janë shfaqur 26 mijë raste të reja.

“Gjatë ditëve të fundit jam takuar me kolegë në të gjithë qytetin, nga zjarrfikësit deri tek policia. Ne jemi tepër të shqetësuar nga rritja e madhe e rasteve me variantin Omicron”, tha ai.

Të dhënat e fundit të Qeverisë kanë bërë të ditur se në spitale duke marrë trajtim për COVID-19 janë 1,534 pacientë.

 

 Të tjera nga Lajme

Kurti: Kosova, 34 vende më lart në indeksin e luftimit të krimit të organizuar

 E-Diaspora

 Jeta në Zvicër