Covid-19 shtyn edhe ndeshjet në Premier League

COVID-19 vijon të jetë një shqetësim i madh për Premier League. Dy takimet e javës së 19-të të elitës së futbollit anglez, Arsenal-Uolves dhe Lids-Aston Vila, nuk do të luhen më 28 dhjetor, siç ishte parashikuar fillimisht.

Federata angleze e futbollit bëri të ditur se ndeshja mes Arsenalit dhe Wolverhamptonit, e parashikuar për t’u luajtur nesër, më 28 dhjetor, është shtyrë për shkak të infektimeve me COVID-19. Në muajin dhjetor në Premier League janë shtyrë gjithsej 15 ndeshje për shkak të infektimeve me koronavirus, megjithatë drejtuesit e Federatës angleze bënë të ditur se programi i ndeshjeve do të vazhdojë atje ku siguria shëndetësore e lejon zhvillimin e tyre, transmeton Euronews, përcjell Albinfo.ch.

Federata angleze e futbollit lejon shtyrjen e ndeshjeve vetëm në rastin kur një ekip ka në dispozicion më pak se 14 lojtarë, teksa në javët e fundit janë rritur ndjeshëm infektimet edhe mes futbollistëve të klubeve angleze.

Për Uolverhemptonin kjo është ndeshja e dytë radhazi që shtyhet, pas asaj të ditës së Krishtlindjeve ndaj Watfordit, ku 8 lojtarë nga ekipi mik rezultuan të infektuar me COVID-19. Edhe ndeshja mes Leed United dhe Aston Bilës e parashikuar për t’u luajtur të martën, është shtyrë për shkak të rasteve me COVID dhe dëmtimeve.