Sporte Luftarake
Gjergjaj kujton luftën në Kosovë dhe dënon çmendinë e agresionit në Ukrainë
"Ishte e tmerrshme të kishe frikë për jetën tënde ditë e natë. Kjo është arsyeja pse më duket e pabesueshme që në vitin 2022 një person mund të fillojë përsëri një luftë në Evropë. Ajo që po ndodh në Ukrainë më është shumë afër zemrës"
I njohur me emrin “Kobra”, boksieri shqiptar nga Kantoni Baselland i Zvicrës, Arnold Gjergjaj është një emër mjaft i njohur në skenën e boksit të Zvicrës.
Ai kishte gëzuar fabsat e tij me një seri suksesesh – në vitin 2014 kishte marrë titullin e Kampionit Evropian në kategorinë e rëndë, që ishte kulmi i karrierës së tij.
Por, në vitin 2016 Kobra kishte pësuar një humbje të rëndë nga anglezi David Haye, transmeton albinfo.ch. Që atëherë, nuk është dëgjuar shumë për të, ndonëse i ka pasur edhe disa luftëra, të fundit, para tri vitesh, në Stamboll.
Sidoqoftë, Gjergjaj, tashmë 37 vjeçar ka vazhduar jetën e tij të zakonshme, jashtë ringut. Për të siguruar “bukën” ai kishte hapur një qendër fitnesi por, siç thotë për gazetën “Basler Zeitung”, me shpërthimin e pandemisë, puna në këtë qendër kishte rënë “për tokë”.
Megjithatë, si një tip që nuk dorëzohet lehtë, ai edhe me ndihmesën e familjes ka hapur së fundi edhe një biznes të vogël: një pompë benzime me një lokal të vogël për kafe, në Pratteln, qytetin ku jeton.
Gjergjaj thotë se jeta e ka mësuar që pas çdo rënieje të ngrihet sërish dhe të mos dorëzohet.
Ndërsa për fuqinë morale të ringritjes Arnoldi e ka si model të ëmën. “Në kohën që babai ishte larg shtëpisë, në Zvicër duke punuar, ajo kujdesej e vetme dhe pa bërë fjalë për 7 fëmijët e saj dhe vjehrrin e sëmurë…”
Kur mendoj për jetën time, më duhet të them se vitet e para në Kosovë ishin vitet më të mira të jetës sime. Është dëm që gjithçka përfundoi kështu, vazhdon Gjergjaj, transmeton albinfo.ch.
“Ishte e tmerrshme kur duhet të kesh frikë për jetën tënde ditë e natë. Kur bie në gjumë pa ditur nëse do të zgjohesh të nesërmen i gjallë”, thotë ai. Kjo është arsyeja pse më duket e pabesueshme që në vitin 2022 një person mund të fillojë përsëri një luftë në Evropë. Kush e zgjedh një njeri të tillë? Ajo që po ndodh në Ukrainë më është shumë afër zemrës”, thotë Arnold Gjergjaj.
Ndërsa për mundësinë e ringjitjes në ring ai thotë: “Edhepse nuk jam ende në atë shkallë, e mbaj parasysh që do të ngjitem sërish në ring, përcjell albinfo.ch. Familja ime më bën të besoj në të dhe më mbështet sepse e dinë se kjo është e rëndësishme për mua. Por duhet kohë…
Vitin e kaluar u përballa (në sparring) me boksierin e kategorisë së rëndë Collins Ojal në Cyrih dhe vura re se pas pushimit të gjatë, veçanërisht reflekset e mia nuk ishin të njëjta si dikur. Më pret ende shumë punë. Por unë nuk kam frikë nga kjo”.
Të ngjashme
Të tjera nga Sporte Luftarake
E-Diaspora
-
Paris
Paris: Sukses i madh i filmit “Tashko & Koço” Filmi :”Tashko & Koço një love story shqiptar”...
-
Gjermani
Mynih: Një recital i shkëlqyeshëm piano nga Kosti Deti
-
Gjuha shqipe në Zvicër, tema qendrore e numrit më të ri të revistës albinfo.ch
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen