CNN: Austria shpalli ‘non grata’ katër diplomatë rusë

afat kohorë deri me 12 prill që të largohen nga Austria

Referuar mediumit CNN, në deklaratë thuhej se Austria u ka dhënë një afat kohor deri më 12 prill që të largohen nga vendi. Tre nga diplomatët ishin punonjës në Ambasadën ruse në Vjenë dhe tjetri ishte punonjës në konsullatën ruse në Salzburg, transmeton albinfo.at.

Ministria e Jashtme e Austrisë ka thënë përmes një deklarate të enjten se ka shpallur katër diplomatë rusë “persona non grata” dhe i dëboi ata për kryerjen e aktiviteteve që nuk përputhen me statusin e tyre diplomatik.

Po ashtu, thuhet se shumë vende europiane kanë dëbuar diplomatë rusë javën e kaluar, duke përfshirë Spanjën, Italinë, Francën, Gjermaninë dhe Suedinë. Dëbimi i diplomatëve rusë vjen pas masakrës që forcat ruse bënë në qytetin ukrainas Bucha. Greqia gjithashtu shpalli non grata 12 diplomatë rusë ditën e djeshme.

---