Sot ortodoksët festojnë Krishtlindjen

(KEYSTONE/Walter Bieri)

Sezoni i Krishtlindjeve është një periudhë shumë e pritur e vitit në gjithë botën. Është një kohë e rëndësishme dhe do të thotë shumë gjëra të ndryshme për shumë njerëz, përcjell albinfo.ch.

Është një kohë për t’u rilidhur me familjen dhe njerëzit e dashur, një kohë e dhënies dhe marrjes së dhuratave dhe dashurisë, një kohë për t’u çlodhur dhe për të marrë një pushim nga të gjitha ashpërsitë e muajve të kaluar, dhe një kohë kur të krishterët festojnë lindjen e Jezus Krishtit.

Në tregimin e Biblës për lindjen e Jezusit, nuk thuhet qartë se në cilën datë ka lindur ai.

Festimi i Krishtlindjeve më 25 dhjetor është një konceptim nga Sextus Julius Africanus, një historian i krishterë në vitin 221 A.D. Data u caktua duke përdorur kalendarin Julian, i cili më vonë u përditësua në kalendarin Gregorian.

Dita e Krishtlindjeve Ortodokse festohet çdo 7 janar, sepse Kisha Ortodokse ende zgjedh të festojë lindjen e Jezusit sipas kalendarit Julian.

Kalendari Gregorian që është aktualisht në përdorim sot çoi në një ditë të re Krishtlindjesh më 25 dhjetor për shkak të shtimit të elementeve të rinj që ndryshuan vitin kalendarik. Ndoshta mund të themi se dita e Krishtlindjes ortodokse është dita origjinale e Krishtlindjes.