Sporte Luftarake
Një shqiptar i suksesshëm në sportin e mundjes tradicionale të Zvicrës
Naim Fejzajt, 28-vjeçarit me rrënjë kosovare-kroate i është dashur të dëgjojë edhe komente të pakëndshme për origjinën e tij
Festivali Kantonal i Mundjes Appenzell u zhvillua në Oberegg në fundjavë – dhe Naim Fejzaj ishte pikërisht në qendër të tij. Sapo dështoi ta fitonte kurorën, zuri vetëm vendin e shtatë, transmeton albinfo.ch. Por nuk ka kohë për pushim tani – trajnimi vazhdon për sportistin nga Wolfhaldeni, i cili qëndroi në tallash (“arena” e mundjes tradicionale) për herë të parë 16 vjet më parë.
Atmosfera familjare e një festivali mundjeje e magjeps 28-vjeçarin: “Lufta bëhet: burri kundër burrit, në baza paqësore. Së pari shtrëngoni duart e njëri tjetrit, pastaj jeni kundërshtarë. Pas luftës, ju shtrëngoni përsëri duart, fshini shpinën nga tallashi dhe në mbrëmje mund të uleni dhe të qeshni së bashku në shesh, shkruan fm1today.ch.
Naimi thotë se askund nuk është pritur aq mirë sa në “familjen” e “Schwinger”-ëve (emri i sportit). Por sidomos në fillim, prejardhja e tij në një skenë konservatore, çfarë është ajo e sportit të mundjes, shkaktonte komente raciste, përcjell albinfo.ch. “Kam dëgjuar disa herë tëthonë se çfarë po bën “ky jugo” këtu apo diçka të ngjashme.
Por më pas e kanë vënë re vetë se unë jam njëri prej tyre – vetëm quhem Fejzaj dhe jo Abderhalden apo Schläpfer”, përshkruan Fejzaj.
Nëna nga Kroacia, babai nga Kosova
Nëna e tij vjen nga Kroacia, babai i tij nga Kosova – kështu që ai nuk ka një lidhje të madhe tradicionale me mundjen zvicerane, transmeton albinfo.ch. Por gjithsesi: “Më pëlqen shumë. Në mbrëmje pas një feste, më pëlqen të vesh kostumin tradicional dhe të marr kurorën”.
Qëllimi i tij i madh është të fitojë në garat federale të vitit 2025 në Mollis. Deri tani ai ka fituar njëmbëdhjetë kurora.
Albinfo.ch ka prezantuar sportistin e suksesshëm Naim Fejzaj në një intervistë të realizuar në fillimet e tij të suksesshme në sportin e mundjes tradicionale zvicerane.
Të ngjashme
Të tjera nga Sporte Luftarake
E-Diaspora
-
“FjalaFest”, festivali i letërsisë shqipe në Milano “FjalaFest” titullohet festivali i letërsisë shqipe që do të zhvillohet për herë të parë në Milano,...
-
Osmani: Shqiptarët e Amerikës, ura më e fuqishme e aleancës Kosovë-SHBA
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
Jeta në Zvicër
-
Nemo performoi për Zvicrën në Eurovision 25-vjeçari zviceran Nemo performoi në skenën e Eurovisionit në Malmo të Suedisë, duke përfaqësuar Zvicrën me...
-
A mund të bëhen gratë pjesë e Gardës Zvicerane?
-
Fushata kundër ligjit për energjinë elektrike: Dhurohen 180,000 franga në mënyrë anonime
-
Rezervime të vështira dhe përpikëri të pasigurt, treni i natës nuk përmbush pritshmëritë
-
A do të vizitohet Zvicra nga “Shenjtorët e Akullit” këtë vit?