Ministria e Punëve të Jashtme reagon për deklaratën e presidentit francez

Donika Gervalla, FB

Ministria e Punëve të Jashtme ka reaguar në lidhje me deklaratat e presidentit të Francës, Emmanuel Macron, për sa i përket çështjes së vizave, duke thënë se “duket të jetë interpretuar gabimisht”.

“Vendimet për miratim, pezullim apo shtyrje të liberalizimit të vizave merren në nivel të Bashkimit Evropian, e jo të shteteve anëtare. Procedurat e tilla i kanë afatet e caktuara kohore dhe vendimet merren me shumicën e paraparë të votave”, thuhet në përgjigje për Klankosova.tv.

Në një konferencë për media në Tiranë, Macron kërcënoi Kosovën me kthim të vizave “po që se nuk e mban fjalën e dhënë”.