Nora Gjakova merr medaljen e shtatë

Xhudistja Nora Gjakova ka vazhduar të marrë medalje në kampionate evropiane. Këtë të premte ajo mori të bronztën në kategorinë 57 kilogramë në Montpellier të Francës.

Nora e mposhti gjermanen Seija Ballhaus ku fitoi me Ippon në kohën shtesë.

Si bartëse e dytë, në raundin e parë ishte e lirë, në raundin e dytë e mposhti polaken Arleta Podolak, përcjell albinfo.ch.

Raundin e parë të repesazhit, Nora e kaloi pa luftë, pasi izraelitja Timna Nelson Levy nuk doli fare në tatami.

Gjakova ka shtatë medalje në kampionate evropiane, një të artë, një të argjendtë dhe pesë të bronzta.