Qeveria e Kosovës iu ndan shtesa prej 100 eurosh fëmijëve dhe pensionistëve për fundvit

Fëmijët dhe pensionistët do të marrin nga 100 euro shtesë këtë fundvit, tha kryeministri Albin Kurti në mbledhjen e Qeverisë, përcjell albinfo.ch.

Qeveria e Kosovës në mbledhjen e 178-të të saj ka votuar për subvencionimin e fëmijëve me nga 100 euro për këtë vit dhe po ashtu ndarjen e një shtese njëherëshe prej 100 eurove për pensionistët.

Ministri i Financave, Hekuran Murati, ka bërë të ditur se të gjithë fëmijët që janë përfitues të skemave aktualisht do të përfitojnë nga 100 euro “gjatë ditëve në vijim”.

“Prindërit nuk kanë nevojë për aplikim, pasi mjetet do të kalojnë në xhirollogarinë e tyre”, ka thënë Murati.

Ministri ka thënë se pensionistët shtesën prej 100 euro do ta marrin gjatë javës në vijim, pasi pensioni i rregullt del të premten dhe, siç thotë ai, e kanë pasur të pamundur që shtesën ta bashkëngjesin me pensionin e rregullt.

Po ashtu, Qeveria e Kosovës ka ndarë 4 milionë euro për të ofruar ndihmë për rimëkëmbje ekonomike nga vërshimet që ndodhën në Kosovë në muajin shtator të vitit 2022 dhe janar të vitit 2023, përcjell tutje albinfo.ch.

Ministri i Financave, Hekuran Murati, ka thënë se mbështetja do të jetë për bizneset dhe bujqit.

“Mbështetja do të bëhet për bizneset e bujqit. Në mbledhjen e kaluar kemi pasur mbështetje për ekonomitë familjare, derisa tash për bizneset e bujqit”, ka thënë Murati.

Gjithashtu, Qeveria miratoi themelimin e një Mekanizmi që do të mbikëqyrë lëvizjet e qytetarëve të Kosovës pas liberalizimit të vizave.

Të gjitha pikat që u miratuan nga Qeveria në mbledhjen e sotme: