Shtohen masat e sigurisë në Prishtinë në prag të festave

Drejtoria Rajonale e Policisë në Prishtinë ka nisur zbatimin e planit për festat e fundvitit.

Drejtori i kësaj drejtorie, Basri Shabani, ka thënë se plani përfshin shtimin e masave të sigurisë për ambient më të sigurt për të gjithë qytetarët e rajonit të Prishtinës.

Ai shton se përfshin disa njësi, si ato të specializuara, të reagimit të shpejtë e të trafikut rajonal.

Sipas tij, do të implementohen pika kontrolli në dy rrathë – njërin në periferi dhe në një tjetër të brendshëm, përcjell albinfo.ch.