Të dyshuarve për sulmin terrorist të Banjskës u vazhdohet paraburgimi

Keystone (AP Photo/Visar Kryeziu)

Gjykata Themelore në Prishtinë ka vendosur që për dy muaj të tjerë të shtyjë masën e paraburgimit për tre të dyshuarit për sulmin në Banjskë.

“Referuar kërkesës tuaj për informata, ju njoftojmë se pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale kundër të pandehurve D.M, B.S dhe V.T, Gjykata Themelore në Prishtinë – Departamenti Special ka aprovuar kërkesën e PSRK-së dhe tre të pandehurve iu ka vazhduar masën e paraburgimit në kohëzgjatje prej dy muaj, për secilin. Masa e paraburgimit të pandehurve iu është vazhduar nga data 24.12.2023 deri me datë 24.02.2024”, thuhet në njoftimin për KOHËN nga zëdhënësja e kësaj gjykate, Mirlinda Gashi.

Të pandehurit dyshohet për veprën penale “sulm terrorist” kur më 24 shtator në Banjskë të Zveçanit sulmuan policinë e Kosovë. Aty u vra edhe rreshteri Afrim Bunjaku, përcjell albinfo.ch.