KESCO: Vetëm 14% e konsumatorëve kanë fatura më të larta se 100 euro

KESCO

Kompania për furnizim me energji elektrike KESCO, përmes një postimi në Facebook ka thënë se 400 mijë konsumatorëve deri tani u janë lexuar njehsorët dhe 86% prej tyre kanë pranuar fatura nën 100€.

“Pra, nga numri total i leximeve, del që vetëm 14% e konsumatorëve kanë fatura 100€ ose më tepër”, thuhet në njoftim. “Ato fatura që janë në shpenzim më të madh, bëhet fjalë për dy shërbime në një, pra për furnizim me energji elektrike dhe për ngrohje”.

Sipas KESCO-s, ngrohja është shpenzues i madh i energjisë elektrike dhe në bazë të analizave që ekspertët e kompanisë i kanë bërë, në Kosovë konsumatorët që ngrohen me energji elektrike, ngrohja ua merr mbi 70% të konsumit.

Ditëve të fundit qytetarët janë ankuar se kanë pasur dyfishim deri në trefishim të faturave të energjisë elektrike.