KFOR-i kryen trajnime në Zubin Potok

Foto FB: NATO Kosovo Force - KFOR

Misioni i KFOR-it në Kosovë ka njoftuar se ushtarët italianë, të caktuar në kuadër të këtij misioni, do të kryejnë trajnimin vjetor në Digën e Ujmanit në komunën e Zubin-Potokut.

Ky aktivitet do të kryhet më 30 dhjetor dhe do të përfshijë ushtarë nga ushtria italiane dhe anije italiane me qëllim që të plotësojnë kërkesat e specifikuara të trajnimit të njësisë.

KFOR-i është mision paqeruajtës i udhëhequr nga NATO-ja, i përbërë nga pjesëtarë nga 27 vende dhe në Kosovë është vendosur që nga viti 1999 dhe synon të krijojë mjedis të sigurt për të gjitha komunitetet në Kosovë, shkruan Ekonomia Online.