Bislimi: Nga sot, qytetarët do të lëvizin të padiskriminuar nga autoritetet serbe

Besnik Bislimi

Zëvendëskryeministri i Kosovës, Besnik Bislimi, derisa ka uruar qytetarët e vendit për liberalizimin e vizave, ka folur edhe për njohjen e targave RKS nga Serbia.

“Nga sot qytetarët tanë do të mund të lëvizin tashmë të padiskriminuar nga autoritetet serbe, me targat tona zyrtare RKS dhe pa vendosur ngjitëset në simbolet shtetërore në targat e veturave. Ky ishte pozicioni ynë që nga fillimi e kjo u realizua pas 2 vitesh tensione të panevojshme”, ka shkruar Bislimi.

Mediat serbe kanë raportuar të hënën që përmes pikës kufitare me Serbisë në Jarinjë, kanë shkuar për në Serbi automjete me targat e Kosovës, pa mbuluar simbolet shtetërore dhe pa procedura shtesë.