Kosova

Fluks në pikat e kalimit kufitar, mërgimtarët largohen nga Kosova

E martë, 2 Janar 2024 - 10:20 albinfo.ch

Bashkatdhetarët, të cilët qëndruan në Kosovë për festat e fundvitit, tashmë kanë filluar të kthehen në vendet ku ata jetojnë dhe veprojnë, përcjell albinfo.ch.

Gjendja në vendkalimet kufitare raportohet të jetë e qetë, ndërsa në pikën kufitare të dhënat e fundit nga Qendra Kombëtare për Menaxhim Kufitar tregojnë se kanë nisur të krijohen kolona.

Te Dheu i Bardhë qytetarët po presin për dalje deri në 30 minuta, kolonat arrijnë deri 100 metra.

Ndërkaq, pikat e tjera kufitare janë të qeta, ku dalja dhe hyrja mund të bëhet brenda pesë minutave.

Vendkalimet kufitare me Serbinë kanë qenë të ngarkuara ditëve të fundit, ku pritja në kufi ka zgjatur deri në tri orë.

Qytetarët mund të informohen në kohë reale mbi gjendjen në kufi, duke klikuar këtu:

 Të tjera nga Kosova

Von der Leyen: Sinjale pozitive për Kosovën, në fillim të vitit të ardhshëm do të disbursohen 205 milionë euro

 E-Diaspora

 Jeta në Zvicër