Vazhdon kthimi i azilkërkuesve

Dje në Aeroportin “Adem Jashari” në Prishtinë ka ardhur një aeroplan me azilkërkues nga Gjermania, që kanë shprehur “dëshirë” për riatdhesim në Kosovë

Riatdhesimi i refugjatëve kosovarë po vazhdon me ritëm të ngadaltë. Derisa shkuarjet drejt perëndimit kanë qenë masive, duke ikur nga 10 autobus brenda natës, riatdhesimi është ecur zvarrë. Dje në aeroportin e Prishtinës ka ardhur një aeroplan me azilkërkues që kanë shprehur dëshirë vullnetarisht kthimin.

Siç raporton “Koha” të premten mbrëma një aeroplan nga Frankfurti me refugjatë nga Kosova ka aterruar në Aeroportin “Adem Jashari”. Aeroplani i kompanisë “Air Berlin” ishte nisur nga Frankfurti me refugjatë që “vullnetarisht po ktheheshin në Kosovë”.në ora 14:00.

Autoritetet zyrtare gjermane kanë thënë se do të vazhdojë kthimi i refugjatëve nga Kosova të cilët në Gjermani kishin shkuar edhe në fillim të këtij. Madje është kërkesë edhe e ministrit të Brendshëm, Skënder Hyseni, që të përshpejtohen procedurat e vlerësimit të lëndëve, e kushtimisht kthimit të tyre në vendlindje.