Kumanova në rrethim të hekurt, shkëmbim zjarri në Kodrën e Trimave

Të shtëna armesh dhe detonime, ka pasur që nga mëngjesi në lagjen Kodra e Trimave, ndërsa nuk është raportuar për të vrarë e plagosur

Që nga orët e hershmë të mëngjesit, në Kumanovë është kthyer gjendja e luftës e vitit 2001. Të shtëna armesh dhe detonim ka pasur që nga mëngjesi në lagjen Kodra e Trimave, ndërsa nuk është raportuar për të vrarë e plagosur. Bëhet fjalë për shkëmbim zjarri ndërmjet një grupi të armatosur dhe policisë maqedonase.

Të shënat kanë nisur nga ora 05.00 e mëngjesit. Përveç krismave të armëve të ndryshme, edhe helikopterë lëvizin mbi qytet. Autoritetet zyrtare nuk japin asnjë informacion mbi ngjarjen, ndërsa nuk ka hollësi edhe nga mediat e tjera.

Siq raortojnë burimet e INA-s nga Kumenova, bëhet fjalë pëer dy-tri shtëpi nga ku po del tym i zi.

Policia nëpër këtë lagje përmes megafonit ka bërë thirrje që qytetarët të mos dalin rrugëve. Nga rrjetet sociale informohet për të dhëna të ndryshme që nuk janë zyrtare. Po ashtu banorët theksojnë se shtëpitë e tyre janë dëmtuar nga plumbat dhe se ata janë strehuar në ambiente më të sigurta. Sirenat e autoambulancave janë dëgjuar vazhdimisht në qytet.