Gashi: Më mirë Baseli kampion sesa unë golashënues i vitit

keystone

Të dielën do të luhet ndoshta ndeshja më e mirë në elitën e futbollit zviceran për këtë sezon. Dy ekipet e para që luftojnë për titull kampioni, Bazel dhe Yong Boys, do të ballafaqohen mes veti. Përveç kësaj, në një garë të fortë për top golashënues janë edhe dy futbollistët, Shkëlzen Gashi i Bazelit dhe Guillaume Hoarau i Young Boys.

Futbollisti shqiptar, Shkëlzen Gashi, udhëheq me 21 gola të shënuara kundrejt Guillaume Hoarau i Young Boys që ka 4 gola më pak, gjithsej 17 gola të shënuara.

Mirëpo, për futbollistin e kombëtares shqiptare më i rëndësishëm është titulli i kampionit të Bazelit se sa ai i top golashënuesit të vitit në Zvicër.  “Nëse Hoarau arrin të më kalojë me gola, unë do ta përgëzoja”, thotë Gashi për “Blick.ch”, transmeton albinfo.ch.

“Për mua më e rëndësishme është titulli i kampionit sesa i golashënuesit”.

Gashi është në rrugë të mirë për t’u shpallur për të dytin vit radhazi golashënuesi më i mirë në Zvicër, ashtu siç është edhe klubi i tij, Bazeli, i cili aktualisht udhëheq 11 pikë më shumë se sa Young Boys.

Kjo ndeshje ka zgjuar interesimin edhe të publikut, ku janë shitur afro 35 mijë bileta.

Albinfo.ch