Në Kosovë, më shumë burra se gra

Raporti meshkuj-femra është 100 femra 101 meshkuj, ndërsa jetëgjatësia në lindje është  74.1 vjeç  për burra dhe 79.4 vjeç për gra

Agjencia e Statistikave të Kosovës (ASK) ka publikuar raportin “Gratë dhe Burrat në Kosovë”, sipas të cilit, në Kosovë ka më shumë burra se sa gra. Të dhënat statistikore në këtë raport janë afatgjate dhe pasqyrojnë situatën gjinore në Kosovë sipas sektorëve të jetës ekonomike dhe sociale.

Agjencia e Statistikave të Kosovës, përdori të gjitha burimet e të dhënave të disponueshme, të cilat ofronin një informacione statistikore të plota për të ndihmuar në perceptimin e situatës gjinore.

“Raporti meshkuj/femra,  për 100 femra  janë 101 meshkuj, ndërsa jetëgjatësia në lindje, 74.1 vjeç  për burra dhe 79.4 vjeç  për gra”, thuhet në raportin e ASK-së. Të dhënat statistikore grumbullohen dhe publikohen të ndara sipas gjinisë, për çdo dy vite sipas këtyre kapitujve:

“Mosha mesatare e të martuarve, për burra 30.8 vjeç dhe për gra 27.3 vjeç; Të dhënat e fertilitetit, 1.9 fëmijë për një grua; Koeficienti i maskulinitetit, 112.1 meshkuj, për 100 femra; Shkalla e analfabetizmit në popullsinë e moshës mbi 10 vjeç,  3.85 %, ndërsa në mesin e grave 3.07 %”, thuhet në raportin e ASKL-së.

Në këtë raport janë përfshirë: Popullsia, Kujdesi shëndetësorë, Edukimi, Mbrojtja sociale, Jurisprudenca, Punësimi, Të ardhurat dhe pensionet, Shfrytëzimi  i kohës dhe Vendimmarrja. Ndërkaq sa i përket shkallës së papunësisë për gratë është 38.8 për qind ndërsa për burrat 26.9 për qind.