Ferronikeli, kampion i Kosovë në futboll

Kampioni u përcaktua vetëm në ndeshjen e fundit, kur skuadra nga Drenasi luajti baras në stadiumin “Përparim Thaçi” në Prizren, kundër Prishtinës me rezultat 2-2

Skuadra e Feronikelit ka fituar titullin e kampionit të Kosovës në futboll duke fituar për herë të parë titullin e Superligës. Kampioni u përcaktua vetëm në ndeshjen e fundit, kur skuadra nga Drenasi luajti baras në stadiumin “Përparim Thaçi” në Prizren, kundër Prishtinës duke barazuar 2-2.

Feronikeli dhe Prishtina luajtën në një atmosferë sportive dhe në praninë e rrethi 5 mijë shikuesve. Golat i shënuan Behar Maliqi në minutën 20 dhe Lapidar Lladrovci në minutën 57 për Feronikelin, kurse dy golat për Prishtinën i shënoi Labinot Osmani në minutat 63 dhe 91.

Djelmoshat e udhëhequr nga trajneri Gani Sejdiu këtë sezon moren 69 pikë duke fituar titullin e kampionit të Kosovës me 3 pikë më shumë se Besa e Pejës. Nga elita e futbollit kosovar do të bien Trepça dhe Ferizaj, ndërsa në barazh do të luajnë Vëllaznimi dhe Drita.