Zvicër: Ky dimër ishte dukshëm më i ngrohtë se mesatarja

(KEYSTONE/Gian Ehrenzeller)

MeteoSwiss thotë se dimri ishte dukshëm më i ngrohtë se mesatarja, pavarësisht mjegullës së dendur në Rrafshnaltën Zvicerane në dhjetor dhe një fillimi shumë të ftohtë të vitit.

Temperatura mesatare në të gjithë vendin nga dhjetori deri në shkurt ishte minus 0.2 gradë Celsius – 1.6 gradë mbi normën e viteve 1991-2020, transmeton albinfo.ch.

Kjo e bën këtë dimër të fundit dimrin e gjashtë më të ngrohtë që nga fillimi i regjistrimeve në vitin 1864.

Pas një fillimi të thatë me pak borë, reshjet e dendura të borës u rikthyen në shkurt, veçanërisht në Zvicrën perëndimore dhe përgjatë Alpeve veriore.