Hyseni: Azilkërkuesve, 5 vjet ndëshkim nga BE

“Atyre nuk do t’u lejohet të vizitojnë vendet e zonës Shengen, për 5 vjet pas liberalizimit të vizave”, deklaroi Hyseni pas takimit me kryetarin e Gracanicës

Qytetarët e Kosovës që kërkuan azil në Gjermani gjatë vitit të kaluar, përveç që të riatdhesohen në vendlindje, atyre do t’u ngritët edhe një masë ndëshkimi për në BE në periudhën 5-vjeçare. Kështu ka deklaruar ministri i Punëve të Brendshme i Republikës së Kosovës, Skender Hyseni.

“Atyre nuk do t’u lejohet të vizitojnë vendet e zonës Shengen, për 5 vjet pas liberalizimit të vizave”, deklaroi Hyseni pas takimit me kryetarin e Gracanicës.

Ndryshe, Gjermania ka shprehur vendosmëri për t’i kthyer të gjithë azilkërkuesit kosovarë, por edhe të vendeve të tjera të Ballkanit. Madje vetëm gjatë këtij muaji dhe muajit të shtator, janë aranzhuar 11 aeroplan charter, me nga 140 azilkërkues me destinacion Tiranën dhe Prishtinën.