Maqedoni, gaz lotsjellës kundër emigrantëve

Policia e Maqedonisë përdori gaz lotsjellës ndaj emigrantëve dhe refugjatëve aziatikë në afërsi të Gjevgjelisë. Vetëm brenda një nate më shumë se 3000 imigrantë kaluan kufirin

Gjendja në Maqedoni, në kufirin me Greqinë po bëhet edhe më dramatike. Një ditë pasi Qeveria në Shkup shpalli gjendje të jashtëzakonshme, policia e Maqedonisë përdori gaz lotsjellës ndaj emigrantëve dhe refugjatëve aziatikë.

Vetëm brenda një nate më shumë se 3000 imigrantë kaluan kufirin greko-maqdonas.

Policia, siç raportojnë mediet, përdori gaz lotsjellës në zonën tampon me grinë në afërsi të Gjevgjelisë, për të shpërndarë mijëra emigrantë dhe refugjatë që po tentonin ta kalojnë kufirin. Për momentin, shifra e emigrantëve në kufirin jugor është rreth 5.000, të cilët u transportuan në kufij nga autoritetet greke.

Nga përdorimi i gazit dhe forcës, thuhet se të paktën 8 persona janë plagosur, amdje një djalë i ri është parë me gjak.

Një ditë më parë, Qeveria e Maqedonisë shpalli dje gjendjen krize në kufirin me Grqinë dhe atë me Serbinë, për shkaka të fluksit të madh të refugjatëve nga Siria, Iraku e Afganistani.