Albian Hajdari rinovon me Hoffenheim, kontratë e re deri në vitin 2031

Futbollistit shqiptar i rritet paga, marrëveshja e re pa klauzolë largimi

Futbollisti shqiptar Albian Hajdari ka rinovuar kontratën me klubin gjerman Hoffenheim, duke zgjatur bashkëpunimin deri në vitin 2031, transmeton albinfo.ch.

Sipas raportimeve, Hajdari në marrëveshjen e re do të përfitojë edhe rritje të pagës, çka tregon besimin e klubit ndaj tij dhe rolin që pritet të ketë në të ardhmen.

Po ashtu, bëhet e ditur se kontrata e re nuk përmban klauzolë largimi, duke e bërë edhe më të vështirë transferimin e tij pa marrëveshje direkte me Hoffenheim.

Ky rinovim konsiderohet një hap i rëndësishëm në karrierën e Hajdarit dhe një sinjal i qartë për stabilitetin e tij në Bundesligë./Albinfo.ch

---