albinfo.ch
Kultura
Një rinoçeront me qëndrim ilegal në Zvicër
Përshtypje nga shfaqja "Kosovo for dummies" e Jeton Nezirajt, e cila këto ditë po shfaqet në "Schlachthaustheater" të Bernës
Një kuti kartoni e mbështjellë me gjemba dhe brenda saj një zë femre që flet herë gjermanisht e herë shqip. Kjo skenë shkund pluhurin e përditshmërisë rutinë në restorantin e vogël “Ali Baba dhe 40 cubat” të arabit Salal që shërben “döner”. Që në fillim, një asociim i qartë me skenat aktuale me tela gjemborë, me refugjatë arabë, shqiptarë, në Maqedoni, Hungari e gjetiu.
Qetësia monotone në imbisin e arabit, ku z. Schmidt vegjetonte duke ngrënë nga katër dönerë përnjëherë dhe shprehte dashurinë për të huajt, pëson një çarje kur aty vjen refugjatja nga Kosova, ilegalja e bukur, Antigona. Kjo është pikënisja e shtjellimit dramatik të komedisë “Kosovo for dummies”, me autor Jeton Nezirajn dhe regjisor Johannes Mager.
Bartësja e rolit kryesor, atij Antigonës, Albana Agaj është themeluese dhe drejtuese e trupës teatrore “Forever Productions” e cila ka prodhuar shfaqjen që u dha premierë të enjten që shkoi në “Schlachthaus Theater” të Bernës.
Antigona e porsaardhur në Zvicër hyn në mënyra të ndryshme ne jetët e personazheve të shfaqjes. Nëpunësi shtetëror, z. Hartmann e nuhat gjendjen e Antigonës dhe bën të gjitha përpjekjet për të mos ia dhënë lejen e qëndrimit në Zvicër. Në vargun e gjatë të dokumenteve që i kujtohen t`ia kërkojë është edhe “vërtetimi se ajo nuk është rinoçeront”, një gjetje kjo që komedisë ia shton edhe segmentin e dramës së absurdit. Hartmann është një nëpunës që shikon me dyshim dhe përçmim çdo gjë të huaj. Për të, gjithçka ndahet në “këtu” dhe “atje”, në “tanët” dhe “të tyre” . Ai madje edhe për qenin zviceran i cili e ndjek për ta kafshuar, thotë se këtë po e bën pasi nuk guxon të kafshojë të huajt, sepse në një rast të tillë, ai, qeni, do të akuzohej për racizëm!
Nga ana tjetër, z. Schmidt që është një kombinim në mes idealistit dhe njeriut naiv, para se të vinte Antigona, planifikonte të shkruante një guidë për Kosovën. “Kosovo for dummies” do të quhej libri i tij për vendin që nuk e kishte vizituar kurrë ndonjëherë, ndërsa me ardhjen e Antigonës shpreson t`i afrohet më shumë këtij qëllimi. Por, situatën e saj ai e sheh edhe si shans për një afrim romantik me të, duke i ofruar madje edhe martesën (për letra).
Sigurisht, nuk është në natyrën e një teksti të tillë gjetja e një zgjidhjeje ose përgjigje përfundimtare për problemet që shtron. Më shumë “detyrë” e tekstit dramatik dhe e inskenimit është evidentimi i problemeve, në këtë rast ai i dallimeve ndërkulturore dhe vënia në lojë e paragjykimeve që shkojnë deri në shkallën e groteskës. Si e këtillë, u lihet shikuesve të japin “zgjidhjet” e veta. Fundja, vetë Neziraj u “garanton” në tekst atyre se “nëse shfaqja nuk u pëlqen, autori është i gatshëm ta rishkruajë atë nga fillimi!”
“Schlachthaustheater” i Bernës synon të sjellë shqiptarët në teatër
“Albana Agaj thotë për albinfo.ch se shfaqja po pritet mjaft mirë dhe se ajo do të jepet filimisht edhe në Gjermani e pastaj, vitin që vjen edhe në Kosovë e në Shqipëri. Ajo u bën thirrje me këtë rast publikut shqiptar të Zvicrës të vijë për të shikuar këtë shfaqje e cila flet edhe për realitetin kosovar. Sjellja e komunitetit shqiptar në sallën e teatrit ka qenë edhe njëra ndër arsyet që „Schlachthaustheater Bern” ka marrë për të inskenuar këtë tekst komedie.
“Kosovo for dummies” është shfaqja e dytë e Jeton Nezirajt që po jepet në “Schlachthaus Thetare” të Bernës. E para ishte “Flutirimi mbi Teatrin e Prishtinës”, e dhënë vitin e kaluar. Edhe për trupën e Albana Agajt “Forever Productions” ky është produksioni i dytë në po këtë teatër, pas atij “Verrate wenn du küsst” (Trego kë po e puth) në shkurt të vitit 2014. “Kosovo for Dummies” do të jepet në këtë teatër edhe më: 15, 16, 17 dhe 18 shtator.
Në shfaqje luajnë aktorët: Albana Agaj, Gunther Kaindl, Ursula Stäubli, Robert Baranowski dhe Nadim Jarrar.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve