Gjithçka gati për “Miss Intercontinental Albania & Kosova”

Eventi i bukurisë shqiptare “Miss Intercontinental Albania & Kosova” i cili do të mbahet me 25 shtator në Hotel “Le-Palais” në Krefeld të Gjermanisë është në fazën përfundimtare të përgatitjeve.

Producentët e këtij spektakli Vedat dhe Nazlije Sadrijaj kanë thënë për “albinfo.ch” se gjithçka është gati.

“Ne jemi duke punuar intensivisht dhe deri tash gjithçka po ec mirë. I gjithë grupi punues janë të angazhuar duke punuar në detyrat e tyre. Besojmë se do të jetë një spektakël shumë i bukur edhe për shikuesit”, ka thënë organizatorja dhe make – up artisja e njohur në Gjermani, Nazlije Sadrijaj.

Spektakli që ka bashkuar vajza nga të gjitha trojet dhe diasporën shqiptare në një garë të bukurisë do të përcillet nga media të ndryshme shqiptare dhe gjermane, ndërsa do të ndahen katër çmime.

“Të gjitha vajzat janë shumë të bukura sa që besoj se do të këtë punë të vështirë edhe juria për t’i zgjedhur vajzat më të bukura të cilat do të përfaqësojnë Kosovën dhe Shqipërinë në garën botërore “Miss Intercontinental” që do të mbahet në dhjetor në Magdeburg të Gjermanisë”, kanë thënë ata për “albinfo.ch”.

Përveç garës së bukurisë, organizatorët janë kujdesur edhe për pjesën artistike ku të ftuar janë: Sevdai Radogoshi (Qumili), boksieri i famshëm Don Granit Shala, si dhe këngëtarët: Zeni dhe Luli.

Spektaklin do ta prezantojnë Maksim Gjokaj dhe modelja Vivian Canaj.