Aeroplani në pistë, pasagjerët presin 6 orë në aeroport

Burimet nga Rinasi bëjnë me dije se avioni i kompanisë ndodhet në pistë, por pritet informacioni se kur do të niset

Mbi 200 pasagjerë janë bllokuar në aeroportin “Nënë Tereza” në Rinasit prej 6 orësh, pasi që aeroplani që kishte destacion Bergamon e Italisë nuk ka fluturuar. Pasagjerët të cilët kishin bërë rezervime me kompaninë “Blue Panorama” kanë mbetur në Tiranë.

Burimet nga Rinasi bëjnë me dije se avioni i kompanisë ndodhet në pistë, por pritet informacioni se kur do të niset. Gjatë kësaj jave kjo kompani, siç raporton Albeu, ka pasur shumë probleme “teknike”, siç thonë ata. Prej 6 orësh, pasagjerët vijojnë të presin në aeroport.