Lajme

Bizneset në New York tregojnë shenja përmirësimi

Bizneset në New York filluan të shfaqin shenja përmirësimi në këtë muaj dhe kompanitë kanë filluar të sjellin stafin e tyre përsëri në punë dhe të ndjehen pak më optimistë për të ardhmen e afërt, sipas një raporti të lëshuar të martën nga Rezerva Federale e New York-ut.

Aktiviteti në sektorin e shërbimit, i cili është prekur rëndë nga urdhrat e qëndrimit në shtëpi dhe mbylljet që synojnë kontrollimin e koronavirusit, ra në një ritëm më të ngadaltë në qershor sesa bëri në prill dhe maj, tregoi sondazhi i drejtuesve të biznesit, shkruan reuters, përcjell albinfo.ch.

Indeksi i punësimit u rrit për herë të parë në tre muaj, por ishte akoma negativ, për shkak se ulja e punësimit vazhdoi, por me një ritëm më të ngadaltë se dy muajt e kaluar. Dhe, për herë të parë që nga fillimi i pandemisë, drejtuesit e biznesit thanë se ata kishin shpresë se kushtet do të përmirësohen gjatë gjashtë muajve të ardhshëm, përcjell tutje albinfo.ch.

Raporti ofroi provat e fundit që ekonomia amerikane mund të rikuperohej pasi u fut në një recesion në shkurt, për shkak të pandemisë.