Lifestyle

Aktori Kevin Spacey largohet nga filmi

Aktori amerikan, Kevin Spacey do të largohet nga një film hollivudian tashmë i përfunduar. Gjithçka ndodhi pas pohimeve të sjelljeve të tij seksuale prej grabitqari.

Roli i tij në filmin “All the Money in the World”, tani do të fshihet dhe do të zëvendësohet, derisa filmi pritet të publikohet më 22 dhjetor siç ishte paraparë, transmeton albinfo.ch.

Spacey, i cili aktronte biznesmenin John Paul Getty në këtë film tani do të zëvendësohet nga Christopher Plummer.

Sipas revistës Variety, Spacey xhiroi këtë film rreth dy javë dhe kishte shumë skena në film, ku ai ishte aktori i vetëm. Mark Wahlberg dhe Michelle Wiliams po ashtu aktrojnë në këtë film dhe do të marrin pjesë në ri-xhirim.

Ky film po ashtu u tërhoq nga festivali i Institutit Amerikan të Filmit në Los Angeles.