Lideri opozitar, Kurti, paralajmëron protesta

Pas Tiranës, Beogradit e Podgoricës, protesta për rrëzimin e Qeverisë pritet të ketë edhe në Prishtinë.

Rrëzim të Qeverisë me protesta e mocion, ka paralajmëruar kreu i Lëvizjes Vetëvendosje, Albin Kurti.

Ai, në një konferencë për media, ka thënë se presidentin Hashim Thaçi dhe kryeministrin Ramush Haradinaj i ka ndarë taksa, por i bashkon korrupsioni dhe hajnia.

“Ne kërkojmë dorëheqjen e kryeministrit dhe presidentit, sepse korrupsioni dhe hajnia vetëm po shtohet. Prej ditës së nesërme fillojmë aktivitetin me qytetarë kundër ‘PANhajnisë’, me qëllim që të shkohet drejt zgjedhjeve të reja. Për këtë po shkojmë bashkë drejt protestave qytetare dhe mocionit në Kuvend”, theksoi ai.