BB: Rritja e pagave në sektorin publik me ndikime negative te sektori privat

Drejtori i Bankës Botërore, Marco Mantovanelli, ka bërë të ditur se përkundër rritjes së vazhdueshme ekonomike, ajo nuk po përkthehet në rritje të punësimit

Një studim i bërë nga Banka Botërore dhe i mbështetur edhe nga përfaqësues të bizneseve dhe ekspertë të ekonomisë i kanë kërkuar qeverisë që të mos vazhdojë rritjen e pagave në sektorin publik, pasi kjo po sjell ndikime negative te sektori privat.

Në këtë studim është dalë se informaliteti në ekonomi është shumë i madh dhe e pakonstatuar saktë përqindja, ndërsa problem më të madh për të gjetur një vend pune ka gjinia femërore, e cila më shumë perceptohet si rritëse e fëmijëve dhe kujdestare e pleqve, ndërsa jo si fuqi punëtore.

Drejtori i Bankës Botërore, Marco Mantovanelli, ka bërë të ditur se përkundër rritjes së vazhdueshme ekonomike, ajo nuk po përkthehet në rritje të punësimit.

Besnik Bislimi nga AUK ka thënë se konkurset publike që po i bëjnë institucionet janë dekurajuese për të rinjtë, pasi gjithnjë po kërkohet përvojë disavjeçare. Rritja aktuale ekonomike, sipas tij, nuk mundëson edhe punësimin, pasi e njëjta mund të arrihet nga vetë ata që janë duke punuar.