Futboll
Çfarë ndodhi gjatë festimeve ‘kaotike’ në Argjentinë?
Argjentina mund të jetë duke u zgjuar nga “hangover-i” i saj më i madh ndonjëherë. Nuk mund të mohohet se Argjentina dëshironte dëshpërimisht ta kthente trofeun e Kupës së Botës në shtëpi. Forca e ndjenjës pas çdo ndeshjeje gjatë turneut ishte dëshmi e kësaj, përkushtimi i tifozëve për të festuar çdo gol të shënuar.
Krenaria e argjentinasve është shumështresore. Po, është fitorja e tyre e tretë në Kupën e Botës dhe kjo është një arritje më vete, por ishte më personale se kaq. Te Lionel Messi ata kanë një yll futbolli që tani rivalizon Diego Maradonën e tyre, të cilësuar si “Zoti”, transmeton cnn, përcjell albinfo.ch.
E natyrshëm lind pyetja: Si do të guxonte të mos e merrte në shtëpi të vetmin trofe që i mungonte Leo Messi?
Por, ky është një vend që gjithashtu kishte nevojë për ngritjen – një shans për të ëndërruar, për të buzëqeshur, për t’u argëtuar. Argjentina është përballur me një krizë ekonomike të pafundme dhe me inflacionin në rritje, situatë që çdo ditë bëhet edhe më e vështirë.
Dhe pikërisht, referuar situatës në fjalë, turneu (Katar 2022) ishte një shans për t’u “fikur” dhe për të harruar këtë situatë, të paktën për një ditë të vetme, ku në qendër të gjithçkaje ishte kombëtarja.
Festimet e së dielës ishin të jashtëzakonshme – një festë spontane në qendër të Buenos Aires, aty ku ishin mbledhur rreth pesë milionë njerëz në rrugët e kryeqytetit.
Argjentinasit gjithmonë ngacmohen se pretendojnë se janë më evropianë se homologët e tyre të Amerikës së Jugut. Por kjo fitore ndaj Francës i bëri ata thellësisht krenarë që ishin amerikano-jugorë.
Dhe, si të gjitha festat e mira, ato zakonisht përfundojnë në kaos – tifozët tepër të emocionuar që kërcejnë në autobusin e ekipit, gjë që shkaktoi jo pak kaos, teksa lojtarët u detyruan të “arratisen” nga aty me helikopterë, për t’i shpëtuar turmës së “dehur” nga lumturia, por që edhe mund t’u kushtonte jetën idhujve të tyre.
Megjithatë, pas disa ditëve të zhurmshme, gjithçka në këtë vend i është kthyer normalitetet dhe “halleve” të vjetra.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve