Koronavirusi: çast pas çasti

Dënime të ashpra për ata që hyjnë në Austri pa teste nga Ballkani Perëndimor

Ministri i Brendshëm, Karl Nehammer, shkroi në profilin e tij në Twitter se kushdo që nuk respekton rregulloret për të hyrë në Austri, do të përballet me një dënim të ashpër

Ministri i Brendshëm, Karl Nehammer, ka thënë se Austria po merr masa të mëtejshme në lidhje me koronavirusin për të ndaluar “tsunamin” epidemiologjik.

Dje është kërkuar që të gjithë qytetarët austriakë të kthehen në Austri nga vendet e Ballkanit Perëndimor. Mbetet për t’u parë se çfarë masash të mëtejshme do të ndërmarrë qeveria austriake, raporton Albinfo Austria.

Për shkak të rritjes së numrit të të infektuarve me Covid – 19 në vendet e Ballkanit Perëndimor, qeveria austriake ka rekomanduar shtetasit e saj që të mos udhëtojnë në këto vende, duke përfshirë edhe shtetet si: Kosova, Shqipëria dhe Maqedonia e Veriut.

Po ashtu është diskutuar që në rast se ndonjë person vendos të shkojë në pushime pa rekomandimin e punëdhënësit, është e mundur që ta humbë edhe vendin e punës.