Kosova
Deputetja britanike: Mosndëshkimi i Serbisë tregon se Perëndimi nuk mësoi nga agresioni rus
Deputetja e Parlamentit të Britanisë së Madhe, Alicia Kearns, thotë se nëpërmjet sjelljes ndaj Serbisë, Perëndimi po tregon se nuk ka marrë mësim nga agresioni i Rusisë.
Në një intervistë për KOHËN, Kearns u shpreh se mosndëshkimi i Beogradit bën që grupe të armatosura të serbëve të jenë aktive në veri.
“Mendoj se ka shqetësime reale se pa llogaridhënie, Vuçiqi dhe shteti serb do të vazhdojnë të financojnë, të mbështesin dhe të drejtojnë terroristët që operojnë përbrenda Kosovës. Kjo është ajo që e kemi parë me Rusinë. Ne, si Perëndim, dështuam që ta frenojmë Putinin. Dështuam kur thamë se do të ketë pasoja që do të pasonin. Dështuam ta frenojmë. Nuk guxojmë të lejojmë që kjo të ndodhë në Kosovë dhe sulmi në Banjskë, fakti që ende po jetojmë nën hijen e tij, pa një llogaridhënie, tregojnë se mësimet nuk janë nxjerrë”, tha Kearns.
Kearns tha se Perëndimi duhet ta detyrojë presidentin e Serbisë, Aleksandër Vuciq, që ta ekstradojë në Kosovë Millan Radoiciqin, i cili mori përsipër sulmin në Banjskë.
“Mjerisht, mendoj se është jashtëzakonisht e pagjasë që Vuçiqi ta bëjë gjënë e duhur dhe ta ekstradojë atë (Radoiçiqin). Sidoqoftë, kjo është edhe arsyeja përse Bashkimi Evropian, Britania e Madhe dhe Shtetet e Bashkuara duhet të jenë shumë të qarta me Vuçiqin se do të ketë pasoja, po qe se nuk e shohim tek e ekstradon atë. Ne dimë se gjykatat e Kosovës janë legjitime, e dimë se Kosova ka një sistem të mirë policor. Kemi nevojë që të shohim drejtësi”, deklaroi Kearns.
Kearns dhe kryetarët e komisioneve për punë të jashtme nga 11 vende evropiane kërkuan nëpërmjet një letre nga përfaqësues të BE-së që t’i hiqen masat Kosovës dhe të bëhet një hetim i plotë për sulmin e 24 shtatorit në Banjskë, përcjell albinfo.ch.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
Rrëshqitja e shkëmbinjve në Brienz: A ekziston një kërcënim? Fshati malor Graubünden i Brienz ishte jashtëzakonisht me fat gjatë rrëshqitjes së dheut në verën e...
-
Gotthard, mbi 20 kilometra bllokime trafiku
-
Zvicër: Rastet e kollës te fëmijët, shumë të shpeshta
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave