Në 2030-ën, shumica e automjeteve do të jenë elektrike

Makinat elektrike përbëjnë një fraksion shumë të vogël të automjeteve të shitura në gjithë botën, por shumë shpejt kjo do të ndryshojë

Duket se shitjet e automjeteve elektrike po rriten më shumë nga sa pritej. Pritet të arrijnë 1/3 e tregut botëror të automjeteve deri në vitin 2025 dhe do të arrijnë në 51% deri në 2030, kur ato do të tejkalojnë automjetet me motorë me djegie të brendshme, transmeton albinfo.ch.

Po ashtu, një përshpejtim i rritjes së shitjeve të këtyre automjeteve thuhet se ka ardhur edhe për shkak të mbështetjes së stimujve shtetërorë ndaj rregulloreve gjithnjë e më të rrepta për emetimet që i shtyjnë prodhuesit të përqëndrohen në energji elektrike, por edhe në uljen e ndjeshme të kostove të baterisë dhe rritjen e kënaqësisë së konsumatorit.

Ndërsa në vitin 2030 pjesa e tregut të naftës pritet të bjerë nga 14% deri sa në vitin 2019 ra në 4% dhe ai i benzinës supozohet se do të ulet në 44%. Prandaj, mesa duket, e ardhmja e automobilave do të jetë ajo elektrike.

Tri të pestat e veturave të reja duhet të jenë elektrike deri në vitin 2030, në mënyrë që të arrijnë objektivat e gazit serrë, kanë paralajmëruar ministrat britanikë.

Nga ana tjetër, kompania japoneze ka vetëm disa automjete të elektrizuara në shitje globalisht deri më tani, duke përfshirë Crosstrek Hybrid për tregun amerikan si dhe Forester e-Boxer në Evropë, por Subaru është duke përgatitur një plan agresiv për dy dekadat e ardhshme.

Subaru do të ketë automjete të forta hibride falë bashkëpunimit me gjigantin Toyota, dhe një projekt madhor po përgatitet për fundin e kësaj dekade, i cili do të ndihmojë Subaru të arrijë 40% të automjeteve elektrike shumë shpejt.

Ata kanë lëshuar tashmë skica të modelit elektrik, i cili duhet të duket si një crossover dhe Subaru planifikon të prodhojë vetëm automjete elektrike në gjysmën e parë të vitit 2030.

Ndërsa sipas analizave të bëra nga Bloomberg New Energy, deri në vitin 2040, makinat elektrike mund të përbëjnë 57 për qind të të gjitha shitjeve të botë. Makinat elektrike do të kenë një përqindje të ngjashme me shitjet e makinave komerciale të lehta në Shtetet e Bashkuara të Amerikës, Evropë dhe Kinë.

“Ne të gjithë shohim mundësi reale që shitjet botërore të makinave me pasagjerë konvencionalë të kenë arritur pikun e tyre”, tha kreu i Transportit të Avancuar, Colin McKerracher.

Gjatë dy dekadave të ardhshme, shitjet botërore të makinave elektrike do të rriten nga dy milionë vitin e kaluar në 56 milionë në vitin 2040. Në të njëjtën kohë shitjet e automjeteve me karburant do të bien nga 85 milionë vitin e kaluar në 42 milionë.

 

---