Shqipëria
Dhoma e Deputetëve miraton marrëveshjen për emigrantët mes Shqipërisë e Italisë
Me 155 vota pro, 115 kundër e dy abstenime, Dhoma e Ulët e Parlamentit të Italisë ka ratifikuar marrëveshjen mes Romës dhe Tiranës zyrtare për ngritjen e dy kampeve të refugjatëve në territorin shqiptar, të cilat do të presin 3000 emigrantë.
Agjencia italiane e lajmeve Ansa thotë se ligjvënësit kanë qenë thellësisht të ndarë në qëndrime, por në fund marrëveshja e mori miratimin e Dhomës së Deputetëve, ku pas votimit, mazhoranca shpërtheu në duartrokitje.
Projektligji në fjalë tani kalon në Senat. Marrëveshja u firmos në fillim të nëntorit në Romë nga kryeministri Edi Rama dhe kryeministrja italiane, Giorgia Meloni, ndërsa u bë publike disa ditë më vonë.
Ndonëse ajo u prit me skepticizëm nga ligjvënës opozitarë në të dy vendet, ndërsa ekspertë ligjorë e konsideruan si të rrezikshme shkeljen e parimit ndërkombëtar të ekstra-territorialitetit, pakti ngjalli interesin e disa vendeve europiane, përfshirë Gjermaninë.
Kancelari gjerman, Olaf Scholz, deklaroi se po e vëzhgonte me interes se si do të implementimet marrëveshja Meloni-Rama për hapjen e qendrave të pritjes së refugjatëve në Gjadër dhe shtoi se ujdia është hetuar nga Komisioni i BE-së, dhe se është në përputhje me të drejtën evropiane.
Edhe kryeministri i Bavarisë, Markus Söder, pohoi se e sheh atë si një model të mundshëm për Europën, duke theksuar “se një zgjidhje e tillë vërtet mund të na ndihmojë”./TCH
E-Diaspora
-
Ambasada e Kosovës në Austri u bën thirrje mërgimtarëve që të regjistrohen Ambasada e Kosovës në Austri u ka bërë thirrje mërgimtarëve që të regjistrohen, përcjell albinfo.ch. Siç...
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
-
Osmani: Shqiptarët e Amerikës, ura më e fuqishme e aleancës Kosovë-SHBA
-
Besa Kokëdhima ndez skenën e Eurovision-it në Malmo të Suedisë
Jeta në Zvicër
-
Kujdes nga mashtrimi i ri SwissPass në Zvicër SwissPass Alliance, një grup ombrellë për kompanitë e transportit publik, ka rënë viktimë e disa mashtruesve,...
-
Ky rajon në Zvicër pritet të marrë emër të ri
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
Nemo performoi për Zvicrën në Eurovision
-
A mund të bëhen gratë pjesë e Gardës Zvicerane?