Lajme

Dy orë pritje në kolonën e gjatë 10 kilometra para tunelit Gotthard

Pothuaj dy orë pritje duhet t`i llogarisin ata që duan të kalojnë nga portali verior i tunelit për të shkuar drejt jugut

Para tunelit të Gotthard-it, në drejtimin veri-jug, rreth mesditës së sotme kolona e automjeteve ka arritur gjatësinë prej 10 kilometrash. Pothuaj dy orë pritje duhet t`i llogarisin ata që duan të kalojnë nga portali verior i tunelit për të shkuar drejt jugut, shkruajnë mediat zvicerane.

Për të shmangur pritjet e tilla të gjata, këshillohet devijimi përmes tunelit San-Bernardino, shkruan 20minuten.ch. Atje, kolona ishte 5 kilometra e gjatë ndërsa pritja “vetëm” një orë, që, sidoqoftë, përbë një zgjidhje më të mirë se kalimi nëpër tunelin Gotthard, transmeton albinfo.ch.

Nga ana tjetër, edhe ata që ngasin makinat përmes qafës Gotthard (Gotthard-Pass) duhet të llogarisin humbje të konsiderueshme kohe. Për më tepër atje, për shkak të reshjes së borës në disa segmente rrugore duhet ndërruar anën e vozitjes. Kjo shkakton kolona dhe penegesa në komunikacion.